WILLEMSTAD.- Ayera un investigashon ku polis a bin ta hasi a konkluí ku un kantidat di droga konfiská den un krèsh ubiká den Zaantjessteeg, Otrabanda.
Di akuerdo ku e informashon ku EXTRA ta manehá, ya pa basta dia polis tin sospecho ku na e kas ku ta wòrdu usá komo un krèsh  tin moveshon di droga ta tumando lugá,  anto pa kaba di verifiká e asuntu bon, ayera Ploeg 5 a disidí ku ta tempu pa tuma akshon konkreto.
Atraves di un entrada hudisial ku a konsistí di un búskeda intensivo, polis a bin topa ku un kantidat di  mariwana ku ta opviamente pa wòrdu bendé.